Брэмэрхафэн
Вольны ганзэйскі горад Брэмэн, Нямеччына, верасень 2015
Google Мапы, Яндэкс.Мапы
Брэмэрхафэн (у перакладзе зь ніжне-нямецкай «Брэмэнская гавань») — марскі порт у 60 кілямэтрах на паўночны захад ад Брэмэна, разам зь якім ён утварае найменшую ў краіне фэдэральную зямлю «Вольны ганзейскі горад Брэмэн». Большая частка даходаў порта сыходзіць у рэґіянальны (Брэмэнскі) бюджэт, з-за чаго сярод мясцовых жыхароў папулярныя «сепаратысцкія» настроі пад лёзунґам «хопіць карміць Брэмэн» — прапануецца альбо ўваходжаньне ў склад Ніжняй Саксоніі, альбо ўтварэньне самастойнай фэдэральнай зямлі.
Горад разьмешчаны ў вусьці Вэзэра, які ўпадае ў Паўночнае мора. Паветра зусім марское.
Асноўнай мэтай маёй паездкі быў вядомы музей «Klimahaus 8° Ost», таму агляд самога горада быў вельмі хуткім.
Падчас вайны Брэмэрхафэн быў адным з ключавых нямецкіх ваенных партоў на Паўночным моры, адкуль падводныя чоўны адпраўляліся паляваць на саюзьніцкія канвоі. З-за гэтага ён падвяргаўся інтэнсыўным бамбаваньням, якія практычна сьцерлі яго з твару зямлі. Таму гістарычнай забудовы практычна не засталося.
Усё сучаснае, але архітэктура і гарадзкое асяродзьдзе вельмі якасныя. Больш за ўсё нагадвае скандынаўскія краіны.
Усё вельмі прыгожа і зручна, выдатныя грамадзкія прасторы.
У 19 стагодзьдзі Брэмэрхафэн быў адным з найважнейшых у Эўропе цэнтраў эміґрацыі, адкуль жыхары кантынэнту сплывалі шукаць лепшай долі ў Амэрыцы. На набярэжнай стаіць помнік эміґрантам.
Нейкія рарытэтныя ваенныя знакі, якія засталіся з ранейшых часоў.
Тэлевежа.
Чайкі.
Пляцоўка для дзяцей.
Гарадзкая дэталь — навясныя ліхтары над вуліцамі (як у Гановэры і Капэнгаґене).
Звычайны двор.
Шпацырная вуліца.
Гэтых фатаґрафій, у прынцыпе, дастаткова, каб атрымаць поўнае ўяўленьне пра Брэмэрхафэн.
Мэмарыяльная царква бурґамістра Шмідта (Bürgermeister-Smidt-Gedächtniskirche), названая так у гонар заснавальніка горада, палітыка і тэоляґа Ёгана Шмідта.
Citroën 2CV.
Дарога з рэвэрсыўным рухам для памяншэньня затораў.
Порт знаходзіцца на поўначы, на беразе мора, а на другім баку ракі разьмешчаны ніжнесаксонскі горад Нордэнхам.
Акрамя крам, што зачыняюцца рана і не працуюць у нядзелю, у Нямеччыне ёсьць яшчэ адна традыцыя — платныя прыбіральні. Нідзе ў краіне вы ня зможаце бясплатна справіць натуральныя патрэбы. Кошт звычайна складае 0,50—0,75 €, прычым грошы прымаюцца толькі наяўныя, картай не абысьціся. Усялякія кафэ і запраўкі пускаюць бясплатна, але толькі калі вы нешта купілі, інакш таксама патрабуюць грошай (звычайна 1 эўра). Часам на ўваходзе сядзіць спэцыяльна навучаны турак або якая-небудзь тоўстая баба (прама як у нас), але часьцей гэта альбо турнікет, альбо аўтаматычная дзьверы, ці проста ёмістасьць для збору грошай, памер ахвяраваньні куды залежыць ад вашае сумленнасьці (часам да гэтай сумленнасьці заклікае якая-небудзь таблічка). Немцы заўсёды плацяць — звыкліся. Але затое туалетаў шмат — у краінах з бясплатнымі туалетамі, накшталт ЗША, паспрабуй знайдзі іх.
Музэй клімату
Галоўны атракцыён Брэмэрхафэна — Музэй клімату «8° усходняй даўгаты» («Klimahaus 8° Ost»).
Экспазыцыя музэя аформленая ў выглядзе кругасьветнага падарожжа па 8 мэрыдыяне (на якім знаходзіцца горад) — наведвальнік пачынае рух на поўдзень, а потым па крузе вяртаецца ў зыходны пункт. У залях ўзноўленыя сапраўдныя кліматычныя ўмовы (тэмпэратура, вільготнасьць, формы жыцьця), прысутныя на зямлі па маршруце руху — Альпійскія горы, Італія, пустыня Сахара, афрыканскія джунґлі, Антарктыда, Акіянія і г. д. Па ходзе справы распавядаецца пра тое, што стварае клімат, якія прырода і жыцьцё гэтых рэґіёнаў, якія народы іх насяляюць, якія ў іх звычаі і цяжкасьці, як выглядае дзейнасьць чалавека і як яна адбіваецца на прыродзе. Музэй вельмі клясны і рэкамендаваны да наведваньня.