Сайт Юрыя Міхеда (a.k.a. juras14)

Нямецкія вёскі

Муніцыпалітэт Амт Нойхаўс, акруга Люнэбурґ, Ніжняя Саксонія, Нямеччына, верасень 2015
Google Мапы, Яндэкс.Мапы

Падчас падарожжаў я звычайна наведваю толькі буйныя гарады, што прасьцей з пункту гледжаньня плянаваньня паездкі, але не дае поўнага ўяўленьня аб краіне. Паколькі пры падарожжы на аўтамабілі няма абмежаваньняў адносна маршруту, недаравальна ня паглядзець на жыцьцё за межамі меґаполісаў.

Калі Берлін, Гамбурґ і Гановер злучыць на карце лініямі, атрымаецца трохкутнік, а ўнутры яго апынецца вялікая тэрыторыя, па якой не праходзіць ні аднаго аўтабана. Гэта самая вялікая вобласьць Нямеччыны, дзе няма хуткасных дарог, што пакрываюць краіну шчыльнай сеткай. Шчыльнасьць насельніцтва тут адна з самых нізкіх, буйныя гарады адсутнічаюць, ёсьць толькі вёскі, дробныя мястэчкі, фэрмы й прыродныя рэзэрвацыі.

Фатаґрафіі ў гэтай справаздачы зробленыя ў вёсках Трыпкаў, Пінаў, Каарсэн і Вэнінґен.

Конь

 

Нямецкія вёскі маляўнічыя.

Калёсы

 

Усе хаты дыхтоўна пабудаваныя з чырвонае цэґлы.

Нямецкая вясковы хата

 

Некаторыя вельмі старадаўнія.

Старая хата

 

Час ўзьвядзеньня — красавік 1840. А выглядае як новы.

Стары нямецкі сьвіран

 

Вуліцы стэрыльныя — нідзе на вуліцы няма ні парушынкі, ні лужынкі (хоць усю ноч быў лівень), ні бруду.

Нямецкая вёска

 

Ґазоны і кусты пэдантычна падстрыжаныя.

Нямецкая вёска

 

Усе тратуары і дарожкі выкладзеныя пліткай.

Нямецкая вёска

Нямецкая вёска

 

Тратуар элеґантна абгінае старое дрэва.

Нямецкая вёска

 

На дахах дамоў часта ўстаноўлены сонечныя батарэі.

Сонечныя батарэі

 

Вясковыя віды.

Нямецкая вёска

Нямецкая вёска

Нямецкая вёска

 

Людзей на вуліцах мала, але калі хтосьці сустракаецца, заўсёды вітаецца.

Нямецкая вёска

 

Зьвярніце ўвагу на платы. Яны ўсе вельмі нізенькія і празрыстыя, часьцяком нават проста ўмоўныя. Тут вы не сустрэнеце трохмэтровых глухіх крапасных сьцен, якія прынята будаваць у Расеі (дзе зьнешні сьвет ўспрымаецца як варожае і аґрэсіўнае асяродзьдзе).

Платы

 

Часта замест плоту выкарыстоўваецца жывая агароджа.

Жывая агароджа

 

Добраахвотная пажарная частка.

Вясковая пажарная частка

 

Аўтасалон Міцубісі Мотарс. Так, гэта звычайная вёска з насельніцтвам не больш за 100 чалавек.

Аўтадылер

 

Па вуліцах часам праяжджае сельскагаспадарчая тэхніка. Як і ўсюды ў Нямеччыне, папулярныя скрыні для старога адзеньня (зьлева).

Трактар

 

Аўтобусны прыпынак.

Аўтобусны прыпынак

 

Каля дарогі выкапалі яму. Трэба яе абгарадзіць — раптам хтосьці ўпадзе? Тое, што тут ніхто ў прынцыпе ня ходзіць — не бяда, усё роўна трэба. Бо яма без агароджы гэта keine Ordnung.

Агароджа

 

У кожнай вёсцы ёсьць царква.

Нямецкая вясковая царква

Нямецкая вясковая царква

 

Часта сустракаюцца мэмарыялы жаўнераў, якія загінулі ў Першай сусьветнай вайне.

Помнік салдатам Першай сусьветнай

 

У Нямеччыне прынята на ўваходзе ў любое жыльлё пісаць прозьвішчы жыхароў. На дамафоне, напрыклад, не бывае нумароў, заўсёды будзе вісець сьпіс прозьвішчаў гаспадароў з кнопкай насупраць кожнай. У прыватных хатах прозьвішча ўладальніка пішуць на ўваходзе.

Прозьвішча на камені

Прозьвішча на камені

 

Хтосьці вырошчвае гародніну.

Агарод

 

А потым прадае. Самога прадаўца няма — грошы прапануецца пакінуць у слоіку. Узяць штосьці, не заплаціўшы, нікому і ў галаву ня прыйдзе.

Продаж гародніны

 

Папярэджаньня аб сабаках заўсёды пішуцца з гумарам.

Таблічка з папярэджаньнем пра сабаку

Таблічка з папярэджаньнем пра сабаку

 

Дошка аб’яваў.

Дошка аб’яваў

 

Таблічкі.

Таблічкі

 

Гідранты.

Гідранты

 

Таблічкі, якія вісяць на кожным дрэве або слупе, дзе ёсьць гняздо бусла. «Захаваньне месца пражываньня — залог будучнасьці для бусла», абвяшчае надпіс. Кожны год бусел вяртаецца ў старое гняздо, таму яго разбурэньне пагражае віду. Унізе вядзецца статыстыка, колькі птушанят было выведзена ў гэтым гнязьдзе.

Гняздо бусла

 

Месцы папулярныя ў аматараў эка-турызму.

Статак кароў

Нямецкі сельскі краявід

Нямецкі сельскі краявід

 

Сельская дарога.

Нямецкі сельскі краявід

 

Часам сустракаюцца прыклады «роднай» архітэктуры — спадчына НДР.

Шматкватэрны дом

 

Калісьці гэта была памежная зона, і па той бок Эльбы ўжо сядзелі падступныя натаўскія драпежнікі, да якіх будаўнікі сацыялізму ўвесь час наравілі ўцячы. У гэтай былой ваеннай часткі каля вёскі Трыпкаў разьмяшчаліся памежнікі «Нацыянальнага народнага войска» НДР, што іх ахоўвалі. Зараз у казарме зьбіраюцца і працуюць мастакі.

Закінутая ваенная частка ў Трыпкаў

 

Пра тое, што калісьці тут праходзіла мяжа, нагадвае шыльда: «тут Нямеччына й Эўропа былі падзеленыя да 10 гадзін раніцы 7 сьнежня 1989 году». Гэтую рысу вы нідзе і ніколі не прапусьціце — абсалютна на кожнай дарозе будзе стаяць знак «Deutsche Teilung 1949—1989».

Знак аб падзеле Нямеччыны

 

Зараз тут проста мост.

Мост цераз Эльбу

 

Сельскія дарогі ў Нямеччыне лёгка «зробяць» большасьць расейскіх «фэдэральных трас».

Нямецкі сельскі краявід

Нямецкая вясковая дарога

 

Але езьдзіць трэба вельмі асьцярожна. Абмежаваньне хуткасьці ў населеным пункце — 50, а то й 30 км/г. І калі знак кажа 50, то гэта ня значыць, што можна ехаць 60, хіба што вам не шкада 15 эўра. За больш высокія перавышэньні штрафы бязбожна павялічваюцца.

Нямецкая вясковая дарога