Тршэбеніцэ
Усьцецкі край, Чэхія, жнівень 2016
Google Мапы, Яндэкс.Мапы
Віды тут на дзіва прыгожыя — у цэлым пагорыстасьць рэльефу памяркоўная, але над ёй усюды ўзвышаюцца вострыя вяршыні канічнай формы.
Дзе-нідзе на гэтых вяршынях праступаюць скалы.
На найвышэйшых горах часта віднеюцца замкі — дзе іх яшчэ будаваць, як не на вяршынях.
Каля гары Кошцял, на якой таксама ёсьць руіны замка, знаходзіцца абранае наўздагад мястэчка Тршэбеніцэ, у мінулым Трэбніц.
Гарадок неверагодна сымпатычны. Гэта вам ня Мост.
Хоць домікі не настолькі вылізаныя, як бывае ў Нямеччыне, іх стан па мерках Усходняй Эўропы проста ідэальны.
Калісьці тут жылі немцы, але чэхі даглядаюць за спадчынай годна.
Хоць бываюць выключэньні.
Часам славянства праступае.
Царква.
Вуглавыя вежкі як у Юрмале.
Фон для Інстаґрама.
Старадаўнія таблічкі. Не магу разабраць — гэта нямецкая або чэская?
Чэская братэрская магіла. Пазьней побач дададзены камень ахвярам Галякосту.
Панадворак.
Бакавая вуліца.
Нейкі грузавы матаролер, падобны на самаробку.
У паштовых скрынь унізе часта прыладжаная спэцыяльная трубка, куды кладуць пошту, якая ў скрыню не залазіць.
Часта сустракаецца налепка з просьбай не падсоўваць ў скрыню рэклямныя матэрыялы, але папяровыя спамэры яе ігнаруюць.
Мясцовыя сьметніцы прызначаны для мацаваньня на слупку, але мацуюцца на кароткую абрэзаную мэталічную трубу.
Знак забароны праезду, падзелены на некалькі сэктараў, у кожным зь якіх намаляваны тып транспартных сродкаў, на які ён распаўсюджваецца. Сустракаецца ў Прыбалтыцы і Ўсходняй Эўропе.
Знак аўтобуснага прыпынку, раптоўна, круглы.
Гучнагаварыцелі.
Чэскія паказальнікі гідрантаў робяцца ў выглядзе афарбаваных мэталічных рамак, куды ўстаўляюцца ўкладышы з выбітымі лічбамі. Фарба з часам аблазіць. Ня так акуратна, як у Нямеччыне, але больш практычна, чым у былым СССР, дзе іх проста малююць фарбай.
На складаных выездах ставіцца выпуклае люстра.
Сабака-кот.
Працягваем шлях праз багемскія краявіды.
Пасьля выезду на хуткасную дальніцу да Прагі рукой падаць.
Вунь ужо і яна.